Sorglegt að heyra...

Ég hef verið stödd þarna í Luxor og í samskonar skipi og brann þarna. Þetta eru æði sérstök skip og hvernig þeim er lagt við akkeri. Á hverjum tíma er fjöldinn allur af svona skipum á ferð um Níl og þegar þeim er lagt eru kannski fjögur skip hlið við hlið og ef maður var í ysta skipinu þá þurfti maður að labba í gegnum hin þrjú til að komast í land. Á þessari mynd má sjá hvernig þetta er. Á litlu árabátunum eru síðan ansi ágengir sölumenn sem áttu það til að kasta inn á svalirnar hjá manni vörum og síðan litlu plasthylki sem maður átti að setja peningana í. Þarna má síðan sjá hofið í Luxor að kvöldlagi. Við vorum í Luxor í fjóra daga þannig að það gafst góður tími til að skoða sig um enda margt að sjá. Við vorum í tvær vikur í Egyptalandi og þar af vorum við í viku á siglingu eftir Níl. Mæli með Egyptalandi enda stórbrotið land að sækja heim og gestrisnin mikil. Þjónarnir í skipinu vildu allt fyrir mann gera og þjónustulundin ótrúleg.

Eldur í skemmtiferðaskipi varð fimm að bana