Komin af stað

Ég er loksins komin af stað í það ferli að sækja um varanlega örorku svo ég geti klárað þetta krabbameinsferli sem og bakvandamálið. Auk þess er ég að sækja um bætur frá lífeyrissjóðnum mínum og þið megið trúa því að meiri frumskógur er varla til heldur en að standa í þessu og svo líður manni eins og maður sé að betla. Þetta er frekar niðurdrepandi ferli en eitthvað sem ég verð að gera svo það er eins gott að standa sig.

Annars gengur lífið bara sinn vanagang og ég er farin að telja niður í London, baby. Hitti heimilislækninn í dag, geðlækninn á morgun og svo byrja geislarnir. Vildi óska þess að ég hefði eitthvað meira spennandi að segja en skil ykkur eftir með eina hugleiðingu, hvar er Jón Gnarr?

Athugasemdir

[-herborg- (IP-tala skráð) 28.7.2010 kl. 12:40]

knúsar á þig vinkona og gangi þér allt í haginn

[Þóra (IP-tala skráð) 31.7.2010 kl. 19:55]

knús á þig Kata mín, hugsa oft til þín þessa dagana, gangi þér sem allra best í þessu öllu samana og njóttu London í botn!  Betri borg er varla til held ég.