Yndislegar tvær vikur:)

8.11.2007 | 09:30

Yndislegar tvær vikur:)

Seinustu tvær vikur hafa verið frekar skrautlegar hjá mér. Mánudaginn í síðustu viku fór ég og það voru skornir í burtu tveir litlir fæðingarblettir. Á miðvikudeginum átti ég síðan góða kvöldstund með Hildi vinkonu á þegar við fórum á Andrea Bochelli tónleikana, hefur aðdáun mín á manninum bara aukist. En síðan hófst fjörið, á fimmtudeginum fékk ég hina þrælskemmtilegu ælupest sem mér gekk ekki að yfirvinna og endaði ég núna mánudaginn síðasta á bráðamóttöku með vökva í æð og einhver ógleðilyf. Á þriðjudeginum var ég farin að hressast en tók þá uppá því að missa hreinlega lappirnar í stiganum heima hjá mér og endaði aftur á spítalanum, í þetta skiptið ristarbrotin. Ég er sem sagt farin að hallast að því að það sé einhver óheillastjarna yfir mér þessa dagana. En ég verð samt að segja að ég á yndislegan mann sem snýst í kringum mig, ekki eru bekkjarsystkini mín heldur slæm:) Anna María þvældist með mér á spítalann í gær og hékk þar með mér og svo hafa þau verið að hringja í mig og athuga með mig og bjóða fram aðstoð sína. Hugs and kisses

Flokkur: Bloggar | Facebook

Athugasemdir

Heyrðu dúllan mín ... var að spá í hvort ekki væri hægt að fá stórar bómullar- rúllur og vefja þér inn fram að jólum En allt er þegar þrennt er!

Kolla (IP-tala skráð) 8.11.2007 kl. 22:24

Hrakfalladísin mín þar sem þú ert þokkafull á skautum ertu náttúrulega bara geðveikt sexý á hækjum Spurning hvort verri helmingurinn þinn þurfi ekki að fara að gæta af þeim betri sínum en honney þú veist að þú átt mig að jafnt í nauðum sem vellystingum svo ekki hika kallaðu og ég mæti gallvösk í galla með súpermann merki og bjarka þér.