Er enn í sömu letinni

og ég hef verið í undanfarið. Mæti samviskusamlega  í skóla og vinnu en að mér svo mikið sem detti í hug að taka upp námsbækurnar er til of mikils ætlast. Er reyndar byrjuð á skilaverkefni fyrir aðferðafræðina og alveg búin með 1 heils dæmi sem ég held barasta að sé rétt.

Í gær hitti ég síðan Eidísi vinkonu og litla strumpinn hennar, sem er kominn aftur á spítala í smá eftirlit. Drengurinn er hreint framúrskarandi myndarlegur.

var í vinnunni í dag og eyddi dágóðri stund í þurrka upp vatnsflóð mikið þegar niðurfall stíflaðist, svaka stemming og hlógu íbúarnir mikið af þessum raunum okkar. Eftir vinnu skelli ég mér síðan í 40 ára afmælið hjá Ottó mági mínum. Þar var margt góðra gesta og glatt á hjalla. Einnig var Ottó mjög ánægður með gjöfina, en ég og Snorri og foreldrar þeirra gáfum honum ferð á leik með uppáhaldsliðinu hans, Manchester United. Þannig að næstkomandi föstudag höldum við fimm á stað til Manchester, gleði gleði og verðum þar fram á mánudagskvöld.

Kveðja úr seljunum