Mín skoðun

Það verða aldrei allir á eitt sáttir um réttmæti fóstureyðinga. Dæmin eru mörg og misjöfn um ástæður fyrir fóstureyðingu. Ég er þeirrar skoðunar að fóstureyðingar verði að vera valkostur. Ef konu er hætta búin af meðgöngu og eða fæðingu á hún að sjálfsögðu að eiga rétt á því að enda meðgöngu ef hún kýs svo. Eins konur eða ungar stúlkur sem verða fyrir misnotkun og nauðgunum, það ætti einfaldlega að vera þeirra val að kjósa fóstureyðingu. Svo eru það þeir sem tala um að konur sem nota fóstureyðingar sem getnaðarvörn eigi ekki að hafa réttin til fóstureyðingar þá spyr ég hversu vel er komið fyrir barni að alast upp hjá konu sem virðist alls ekki vilja eignast barn. Sama með foreldra sem ekki treysta sér til að eignast barn vegna fjárhagserfiðleika. Ég lít svo á að ef fólk af einhverjum ástæðum treystir sér  ekki til að fæða barn inn í þennan heim á það að hafa réttinn til fóstureyðinga.  Að mínu mati er það líka alltof mikil einföldun að tala um ættleiðingar sem einhvern aðalkost við þessar aðstæður. Það eru til fleiri milljónir barna sem ekki eiga foreldra og fá ekki ættleiðingu og búa við afar bágar aðstæður svo ekki sé meira sagt. Væri ekki nær að koma þeim til hjálpar. Eins eru það alls ekki allir sem hafa þann kost að ættleiða, meðal annars samkynhneigðir og þeir sem hafa til dæmis greinst með krabbamein.  Trúaðir jafnt sem trúlausir geta verið hvort sem er með eða á móti í þessu máli, en sú afstaða sem katólska kirkjan hefur á fóstureyðingum er hreint ótrúleg, þær eiga aldrei rétt á sér nema líf móðurinnar sé í hættu og þó samt ekki alltaf. En það má líka segja að katólska kirkjan, sem hefur um margt fallegan boðskap, er ennþá stödd aftur í fornöld. Eru ekki einungis á móti fóstureyðingum heldur líka smokkum og öðrum getnaðarvörnum og samkynhneigð heldur er það nýjasta hjá páfanum að hann vill að kirkjan fari aftur að iðka latneskar messur sem færir kirkjuna enn lengra aftur í tímann. Svo er það annað deilumál en það er það hvenær fóstur verður einstaklingur en ég lít svo á að það sé þegar það getur lifað sjálfstæðu lífi utan móðurkviðs.  Ég er sem sagt fylgjandi fóstureyðingum og má þá gagnrýna mig fyrir það. Síðan eru fósturskimanir efni í annan pistil.

9 ára barnshafandi stúlka í Mæðrahúsi í Níkaragva

Athugasemdir

[Nexa, 3.9.2007 kl. 22:55]

Góður hluti þessa pistils er eins og ritaður af mínum fingrum

Lenti í smá ritdeilu við Jón Val og fleiri Halelújah-kalla um daginn vegna þessa skoðana.

[Daníel Sigurðsson, 3.9.2007 kl. 23:31]

reyndar hafa samkynhneigðir sama rétt til að ættleiða og annað fólk, allavegna hér á landi.

[Katrín Vilhelmsdóttir, 4.9.2007 kl. 12:28]

Það er rétt hjá þér að samkynhneigðir hafa leyfi til að ættleiða hér á landi. Það er þó ekki þar með sagt að þau lönd sem sem íslensk ættleiðing hefur milligöngu um ættleiðingar frá heimili það sama, því miður.